Mbrëmja e kaluar në Big Brother VIP Albania 5 solli tension dhe emocione të forta, jo për këdo. Një nga figurat më të spikatura dhe më të diskutuara të këtij edicioni, Brikena, i dha fund rrugëtimit të saj pikërisht në një fazë vendimtare, vetëm pak ditë përpara finales së madhe të 18 prillit. Dueli “kokë më kokë” me Rogertin mbërtheu publikun para ekranit, por në fund ishte ai që siguroi vendin si finalisti i katërt.
Ky rezultat ndezi menjëherë reagime të shumta në rrjete sociale, duke krijuar ndarje të fortë mes fansave.
Ndërkohë që jashtë shtëpisë diskutimet ishin të zjarrta, brenda saj situata ishte krejt ndryshe. Pas përfundimit të Prime-it dhe fikjes së kamerave, Mateo është parë emocionalisht i thyer. Pamjet e tij duke qarë pas largimit të Brikenës treguan një anë shumë më personale dhe të ndjeshme të këtij momenti.
Por jashtë shtëpisë, Brikena po vepron ndryshe.
Menjëherë pasi ka rifituar aksesin në telefon, ajo ka reaguar pa humbur kohë. Që në orët e para të mëngjesit, rreth orës 4, në Instagramin e saj është publikuar një Story i vetëm origjinal, i fokusuar tërësisht te mbështetja për Mateon.
Në këtë postim, ku shfaqet grafika e votimit me katër finalistët — Mateo, Miri, Rogert dhe Selin — ajo e ka bërë shumë të qartë qëndrimin e saj. Me zemra të vendosura mbi foton e Mateos dhe një thirrje direkte për ndjekësit, mesazhi ishte i qartë: “TË VOTOJMË FITUESIN E PADISKUTUESHËM!”
Një reagim i shkurtër, por me shumë peshë: edhe pse rrugëtimi i saj në shtëpi ka përfunduar, përkrahja për Mateon sapo ka hyrë në fazën më të fortë.